રંગ એહસાસનાં.. કલમે ચઢી કાગળે ઉતર્યા..

રંગ.. એહસાસનાં.. કલમે ચઢી કાગળે ઉતર્યા..

મેહુલા તારું આગમન સમય પહેલાનું ફરમાન કેમ મનાવું મનને ભલે જળ વરસતું હોય.

અમૃત ઝેર બને એવું વરસવું પણ અડવું લાગે અર્થથી અર્થ થતાં જે સ્વીકારવું અઘરું હોય.

દૂર.. ક્ષિતિજ પર કોઈ દિલની પોકાર થતી સાંભળવા મન અધિર થઈ રહ્યું હોય.

ઝાંઝવાના નીર જેવું ભ્રમ ફેલાવતું ભલેને કોઈ અજાણ્યું આહટ કરતું હોય.

ક્યાંક કાળજાનાં ખૂણે સૂતી સંવેદના ટીસ ભરી આળસ મરડી જાગૃત થતી હોય.

એક પળ.. પળમાં પણ સમાઈ લાખો વાતો સંવેદનાઓનો અર્ક "દિલ"ને હચમચાવતો હોય.

દક્ષેશ ઇનામદાર."દિલ"..

કેવી મીઠી સવાર ભીની ભીની...

કેવી મીઠી સવાર ભીની ભીની મોહક સુંદર આકર્ષતી જાણે મોહિની.

આપોઆપ જોડાય હાથ સન્માનથી વધાવું જાણે મારી વહાલી સંગીની.

ફેલાવી હાથ માંગુ ભીખ પ્રણયની શરારત કરતી આવે મસ્તી ભર્યું સ્મિત કરતી.

નખશીખ પવિત્ર ઈશ્વરની માનીતી આવી ફેલાવતી સુવાસ આકર્ષક ફૂલોની.

મખમલી કિરણ સૂર્યનાં લાવી સાથ તેજથી દિવસ ઝળહળ સજાવતી.

મીઠાં પવન સાથે હરતી ફરતી ઝૂમતી મારી મીઠી સવાર મારું "દિલ" બહેલાવતી.

દક્ષેશ ઇનામદાર."દિલ"..

ચાલી પડ્યો એકલો અટુલો...

ચાલી પડ્યો એકલો અટુલો હું જીવનની રાહમાં.

મળી રહેશે મને કોઈ સાથી સાચો એની જૂઠી ચાહમાં.

પોકાર મારી સાંભળશે કોઈ આ જગતમાં એવાં ભ્રમમાં.

પ્રસ્વેદ બિંદુ ટપકે કે આંસુ ચાલતાં ના સમજાય મારાં મનમાં.

ખુલ્લા આભમાં તાંકી રહું ના દેખાય જણાય મારી કોરી આંખમાં.

ઈશ્વર તું ક્યાં છે ચોક્કસ સાથ આપીશ અડગ શ્રદ્ધા મારાં દિલમાં.

કરગરતું કાળજું મારું રડી રડી થાક્યું વિનવું માઁ આવને તું દ્રષ્ટિમાં.

એકલો થઈ ગયો ના કોઈ સાથ ના પોકાર દુનિયાની ગીચ ભીડમાં.

સારું થયું એકલો છું છતાંય તારો અગમ્ય સાથ માઁ સ્વાર્થ ભરી દુનિયામાં.

સહુ રહે રચ્યાપચ્યા સદાય કોઈને કોઈ ગણત્રીમાં અરે પ્રેમ કરે કોઈ ગણિતમાં.

ના હસીને આવકાર ના કાળજીના કામ બસ જીવે સદાય અપેક્ષામાં.

જોઉં હું ઉપર આભ નીચે ધરતી મનની પાંખ ઉડી જઉં ઊંચા અવકાશમાં.

ના સમજાવું નથી સમજવું  હવેતો હદ એ થઈ ગણત્રીનાં હિસાબ ત્યાગમાં.

મનસા મારી સમાઈ જાઉં મારી મનસામાઁ માં જે સદાય ધબકે મારાં દિલમાં.

દક્ષેશ ઇનામદાર. "દિલ"..

મેહુલા.. ધરતીનો સંવાદ..

ઋતુ આવી વર્ષા.. ધરતી આભનો પ્રેમ ફરિયાદનો મીઠો સંવાદ...🌹

વરસ્યો મેહુલો સાંબેલાધાર કેવો મૂશળધાર ધરતી થઈ જળબંબાકાર.

કેટલી જોવડાવી રાહ મેહુલા ધરતી પુકારે કેટલો સહું હું વિરહનો તાપ સરકાર.

સાગર ભરું હું નદી તળાવ સરોવર કુવા છલોછલ કરું   છતાં મારી ક્યાં દરકાર?.

મેં ઉછેર્યા છોડ ઝાડ વનસ્પતિ પૂરું કરું જળ હર જીવને હું ધરા તારાથી ખુશહાલ.

હર વર્ષા ઋતુએ આવું વરસી હરિભરી કરું તને મારાં જળમાં કેટલી પીડા કેટલો આનંદ કોને ખબર?

ગરજુ ઘણો વરસું ઘણો હર બુંદમાં મોકલું સંદેશ આંસુનાં જળ "દિલ"થી નીચોવું તું બેખબર.🌧️

દક્ષેશ ઇનામદાર."દિલ"..

ઇર્ષાની આંખ અવશ્ય ફૂટે જ્યારે...

ઇર્ષાની આંખ ફૂટે જ્યારે આસમાની પ્રચંડ સજા મળે.

અગ્નિ કાળો સમાવી ના શકે ઇર્ષામાં જેને અંધાપો મળે.

સીધા જનારને આંટી ભરાવે એવા કાળમુખાને નરકમાં જગ્યા ના મળે.

શ્રુષ્ટિ પંચતત્વની આજે નહીં તો કાલે ન્યાય જરૂર તોલે.

ચોખ્ખા થાય હિસાબ આ જન્મમાં જ આવતો જન્મ ના મળે.

કપટીઓને કોઈનું પણ "દિલ" પાકું ઓળખે એને કદી રાહત ના મળે.

દક્ષેશ ઇનામદાર."દિલ"..

સમય સમયની ખાસ વાત...

સમય સમયની ખાસ વાત..એ ક્યારેક સવળો ક્યારેક અવળો..

ના સહેવાય ના રહેવાય ના કોઈ સાથ ના સલાહ સાવ કડવો.

કાલે સવારે શું થશે ખબર નથી ના રાત આખી સુવા પણ દેતો ઉજાગરો.

છાતીમાં ભીંસ શરીરમાં ધ્રુજારી ચિંતામાં પળ પળ બાળતો.

સાંત્વનની આશ પણ કરે નિરાશ ઉપરથી લોક દાઝ્યા ઉપર ડામ દેતો.

સ્થિતિ સંજોગથી નિરંતર લડતો પ્રેમ વિના ટળવળતો એકલો પાડી દેતો.

ના આંસુ વહે ના દુઃખ કહેવાય કેવી વિકટ સ્થિતિમાં ઈશ્વર મુકતો.

મોત લાગે મીઠું ભાગી જવા મન ચાહે  "દિલ"માં સતત કકળતો.

દક્ષેશ ઇનામદાર."દિલ"..

વ્હાલનું વધ્યું જોર..આંખોમાં ઉભરાય આંસુ...

વ્હાલનું વધ્યું જોર આંખોમાં ઉભરાય આંસુ હાથમાં નથી હૈયું હું શું કરું?

કેટલાં મનાંમણાં કેટકેટલો પ્રેમ સંવેદનાની સેર તોય અબોલા હું શું કરું?

પીડાનું નામ ઝગડાનું કામ ભૂલે પ્રેમ સદાયનો સાથ તોય ફરિયાદ હું શું કરું?

સમર્પિત પ્રેમ ના કોઈ માંગ સહવાસની તરસ પળ પળનો એહસાસ હું શું કરું?

દુઃખે પેટ ફૂટે માથું કોણ સમજાવે કાયમ એકતરફી ફરિયાદ હું શું કરું?

રાખી પથ્થર "દિલ" પર સહી લઉં પ્રેમમાં અંતે તારાથી જ હું બોલ શું કરું?

દક્ષેશ ઇનામદાર."દિલ"..

કુણું કોમળ દિલ મારું....

કુણું કોમળ દિલ મારું વાગી કાળજે ઘા કાળમીંઢ  પથ્થર બની ગયું.

ઉભરાતું સંવેદનાથી સદાય હૃદય મારું કારમી પીડામાં સરકી ગયું.

હોઠે આવેલાં બોલ પ્રેમનાં પાછાં ફરી ગયાં જાણે જીભ સિવાઈ ગઈ.

પીડા વિરહની આવું કરાવે? કે સંવેદનાની કદર આંસુમાં ધોવાઈ ગઈ.

સ્ફુરતાં શબ્દો સાથે મનમાં કેવી કલ્પનાઓ શણગાર વિનાની થઈ ગઇ.

કાવ્ય કવિતા વાર્તાની રસિક વાતો કઠોર વાસ્તવિકતામાં પલટાઈ ગઇ.

કોરી ખાતી કારમી વિરહની વેદના સમજણ વિનાની કારણ બની ગઈ.

કાયમ સાથ સાથ રહેવાની બન્નેની અચળ પ્રેમકામના હાસ્યાસ્પદ બની ગઈ. 

એક પળ નહીં વિતે "મારાં" વિના એવું કહેનારી પ્રિયતમા પારકી થઈ ગઈ. 

લાગણીથી ઉભરાતી આંખો સુકાઈને સૂકા રણમાં ફેરવાઈ ગઈ.

કોની લાગી કાળી નજર કે  દિલથી દિલ મળતું શાપિત બની ગયું.

પ્રેમનાં ઉમંગ અને ઉત્સાહથી ઉછળતું "દિલ" મારું મૃતપ્રાય થઈ ગયું.

દક્ષેશ ઇનામદાર."દિલ"..

બાળ કવિ...2023 પ્રક્રુતિ મોદી..

કવિતા - મારું હેલ્મેટ

Revenge- Story of a Woman's Success, Love & Revenge

New release on Amazon.in 

Revenge- Story of a Woman's Success, Love & Revenge

Click to Order from Amazon